Drèentstaolige liedties en verhalen

zondag 15 mei 2022, 14:30 uur

Drentstalige liedjes en verhalen over oude tijden met Andries Middelbos

Entree € 5,–
U kunt zich aanmelden via ons e-mail adres dorpshuisnieuwroden@live.nl of telefoonnummer (050) 501 71 29. Maar u kunt natuurlijk ook bij de ingang betalen.

Over mijzölf

Opgruid in Drijber onder de rook van VAM. Eerst studeerd veur underwiezer en daornao de opleiding drama-docent. Meer dan 25 jaor warkt as docent an de lerarenopleiding Rotterdam en omstreken, maor in 2001 weer terug naor Drenthe. Sinds die tied ben ik ok begund met het schrieven van verhalen in het Drents. De oorsprong van dizze verhalen ligt in mien eigen kiendertied op het Drèentse plattelaand en beschrieft op een vaak humoristische manier hoe as kiender toen opgruiden en groot weurden. Een aantal van dizze verhalen bent publiceerd in de tiedschriften Maandewark en Zinnig van het Huus van de Taol.
Behalve schrieven ben ik ok al mien hiele leven gangs met muziek en theater en heb bij een aantal verhalen liedties maakt, waorbij ik mijzölf begeleid op piano of accordeon. Veur het Drèentse Liedties Festival 2014 schreef ik het nummer Bruno en kwam daormet in de finale. Van dit lied en het lied Lang leve de muziek hef de stichting Betoeterd later een arrangement laoten maken veur harmonie/fanfare orkest en gemengd koor.

De tied van striepkoornbroek, wonen börstrok en levertraan

In dit middag- of aovendvullende programma breng ik zölfgeschreven liedties en verhalen over de tied dat de striepkoornbroek de moede was en er elk jaor pas een einde kwam an de wollen börstrok en levertraon as de ‘R’ weer uut de maond was. De tied daj zaoterdags umstebeurt in de tobbe gungen en vekaansie een daggie op de fietse naor het Maantingerzaand was. De tied dat de mister van klas vier een kind even hen de krudenier stuurde veur een pakkie Caballero, omdat e de hiele dag kettingrokend veur de klas hen en weer banjerde en op verjaordagen en bruloften op elke taofel een glassie met sigeretten en sigaren stun. Körtom verhalen en liedties over alledaagse dinger uut die tied. Serieus, luchtig, soms hilarisch en vaak met lichte zölfspot. Bij de liedties begeleid ik mijzölf op piano of accordeon. In het programma wisselt verhalen en liedties mekaar of en zit aj dat wilt een Drèentse woordenquiz. Een greep uut het programma: